PSSSF MIONGONI MWA TAASISI ZA MWANZO KUJIUNGA NA MFUMO WA PAMOJA WA UTOAJI HUDUMA NCHINI

Na Mwandishi Wetu,

MFUKO wa Hifadhi ya Jamii kwa Watumishi wa Umma (PSSSF) ni miongoni mwa Taasisi za

mwanzo kujiunga na Mfumo wa Utoaji Huduma wa Pamoja wa Serikali (One Stop Service Centre) ambao Waziri Mkuu Mhe. Kassim Majaliwa ameuzindua leo Septemba 6, 2021 jijini Dar es Salaam.

WAZIRI Mkuu Mhe. Kassim Majaliwa, amezitaka Taasisi nyingine za Serikali ambazo bado

hazijajiunga na Mfumo huo unaoratibiwa na Shirika la Posta Nchini, kuhakikisha zinajiunga

ndani ya mwaka huu wa fedha wa 2021/2022.

“Mradi huu unaenda kubadilisha namna ya utoaji huduma bora, ni muhimu kuharakisha na kuhakikisha kwamba unafanikiwa, hivyo basi nazielekeza taasisi zote zinazotoa huduma kuongeza kasi ya kujiunga na Utaratibu wa Utoaji Huduma wa Pamoja.”Alisisitiza.

Waziri wa Mawasiliano na Teknolojia ya Habari, Mhe. Dkt. Faustine Ndungulile amezitaja

Taasisi ambazo tayari zimeanza kutoa huduma kupitia mfumo huo kuwa ni pamoja na

Mamlaka ya Mapato Tanzania (TRA), Mamlaka ya Vizazi na Vifo (RITA), Mamlaka ya

Vitambulisho vya Taifa (NIDA), Mfuko wa Hifadhi ya Jamii kwa Watumishi wa

Umma (PSSSF), Mfuko wa Taifa wa Hifadhi ya Jamii (NSSF), Idara ya Uhamiaji,

BRELA, Mfuko wa Taifa wa Hifadhi ya Jamii (NHIF) na benki ya CRDB.

Kwa kuanzia Mfumo huo tayari umezinduliwa kwenye mikoa ya Dodoma na Dar es Salaam

na kwamba lengo ni kufikia mikoa yote ya Tanzania Bara na Visiwani, alifafanua

Dkt. Ndungulile.

Akizungumza pembezoni mwa hafla hiyo, Mkurugenzi Mkuu wa Mfuko wa Hifadhi ya Jamii kwa Watumishi wa Umma (PSSSF), C.P.A Hosea Kashimba alisema, Taasisi yake iliamua kujiunga mara moja na Mfumo huo kwa sababu Mfuko unawajali Wanachama na Wateja

wake.

“Tumeona utaratibu huu ni mzuri, utapelekea kumuhudumia mwanachama kwa haraka lakini pia kuondoa usumbufu ambao pengine mwanachama anaweza kukutana nao hivyo anaweza akafika hapa na kuhudumiwa na kama kuna taarifa zinahitajika kutoka Taasisi nyingine
Taasisi hizo nyingine ziko hapa ikiwemo NIDA, RITA na Taasisi ambazo tunashirikiana katika kutoa huduma.” Alifafanua C.P.A Kashimba.

WAZIRI Mkuu, Mhe. Kassim Majaliwa (kulia) akipata maelezo kutoka kwa Mkurugenzi Mkuu wa Mfuko wa Hifadhi ya Jamii kwa Watumishi wa Umma (PSSSF) C.P.A Hosea Kashimba(Kushoto). wakati wa uzinduzi wa Mfumo wa Pamoja wa Utoaji Huduma Taasisi za Umma unaoratibia na Shirika la Posta nchini. Uzinduzi huo ulifanywa na Waziri Mkuu Septemba 6, 2021 jijini Dar es Salaam.

Waziei Mkuu Mhe. Kassim Majaliwa akihutubia wakati wa uzinduzi wa Mfumo wa Utoaji Huduma wa Pamoja wa Serikali (One Stop Service Centre) kwenye viwanja vya Shirika la Posta Tanzania jijini Dar es Salaam Septemba 6, 2021

Viongozi mbalimbali waliohudhuria hafla hiyo

Mkurugenzi Mkuu wa PSSSF, C.P.A Hosea Kashimba (mbele) akiwa amesimama pamoja na wakuu wengine wa Taasisi za Umma ambazo tayari zimeanza kutoa huduma kwenye kituo hicho kilichoko Posta Mpya jijini Dar es Salaam.

Waziri wa Mawasiliano na Teknolojia ya Habari, Dkt. Faustine Ndungulile (wapili kushoto) akijadiliana jambo na Mwenyekiti wa Kamati ya Kudumu ya Bunge ya Miundombinu, Mhe. Selemani Kakoso muda mfupi kabla ya uzinduzi huo.

Katibu Mkuu Wizara ya Mawasiliano na Teknolojia ya Habari, Dkt. Zainabu Chaula (kushoto) na Naibu Katibu Mkuu wake, Dkt. Jimmy Yonazi (katikati) wakimsikiliza Kaimu
Posta Masta Mkuu wa Shirika la Posta Bw. Macrice Daniel Mbodo

C.P.A Kashimba (kulia) akizungumza na Naibu Katibu Mkuu Ofisi ya Rais Utumishi na Utawala Bora, Dkt. Dkt. Francis Michael (katikati) na Katibu Mkuu Wizara ya Viwanda na Biashara, Bw. Dotto James.

C.P.A Kashimba akiteta jambo na Mkurugenzi Mkuu wa NSSF, Bw. Masha Mshomba.

Waziri Mkuu Mhe. Kassim Majaliwa (kulia) akimsikilzia Mkurugenzi Mkuu wa NSSF, Bw. Masha Mashomba kuhusu namna Mfuko huo unavyohudumia wanachama wake kwenye kituo hicho cha huduma ya pamoja.

Baadhi ya wagenzi waalikwa wakiwa kwenye hafla hiyo.

Mkurugenzi Mkuu wa PSSSF, C.P.A Hosea Kashimba (kushoto) akimsikiliza Meneja wa PSSSF, Bw. Rajabu Kinand